Home சிறப்பு தகவல்கள் யூடியூபில் அதிக டிஸ்லைக் பெற்ற வீடியோ

யூடியூபில் அதிக டிஸ்லைக் பெற்ற வீடியோ

221
0

யூடியூபில் அதிக டிஸ்லைக் பெற்ற வீடியோ

யூடியூப் வலைதளத்தில் டிசம்பர் 6ம் தேதி பதிவேற்றம் செய்யப்பட்ட யூடியூப் ரீவைன்ட் 2018 வீடியோ, யூடியூப் வரலாற்றில் இதுவரை அதிகம் பேர் டிஸ்லைக் செய்த வீடியோவாகி இருக்கிறது.

இதுவரை சுமார் 12.7 கோடி பேர் பார்த்துள்ள யூடியூப் ரீவைன்ட் 2018 வீடியோவினை 22 லட்சம் பேர் லைக் செய்துள்ள நிலையில், சுமார் 1.1 கோடி பேர் டிஸ்லைக் செய்துள்ளனர். முன்னதாக யூடியூபில் அதிக டிஸ்லைக் பெற்ற வீடியோவாக ஜஸ்டின் பீபர் பதிவேற்றம் செய்த பேபி மியூசிக் வீடியோ இருந்தது.

யூடியூப் சார்பில் பதிவேற்றம் செய்யப்பட்ட வீடியோவே அதிக டிஸ்லைக் பெற்று இருப்பது குறிப்பிடத்தக்கது. ரெடிட் பயன்படுத்துவோர், யூடியூப் ரீவைன்ட் வீடியோ பற்றி மீம்களை பதிவேற்றம் செய்து, இதனை டிஸ்லைக் செய்யக் கோரி வருவதாக தகவல் வெளியாகியுள்ளது.

யூடியூப் வெளியிட்டதிலேயே மிகவும் மோசமான வருடாந்திர வீடியோவாக அமைந்திருப்பதாக கூறப்படுகிறது. வீடியோவில் தேர்வு செய்யப்பட்டுள்ள தலைப்புகள் மீது பெரும்பாலானோர் குற்றஞ்சாட்டியுள்ளனர். இத்துடன் வீடியோவின் தீம் அதிகளவு செயற்கையாக இருக்கிறது என பலர் கருத்து தெரிவித்துள்ளனர்.

யூடியூபில் பிரபலங்களாக பார்க்கப்படும் மார்கியூஸ் பிரவுன்லீ, டெக்னிக்கல் குருஜி மற்றும் நடிகர் வில் ஸ்மித் ஆகியோர் வீடியோவின் துவக்கத்தில் தோன்றுகின்றனர். அந்த வகையில் வீடியோவில் மேலும் சில பிரபலங்கள் இடம்பெறவில்லை என பலர் குற்றஞ்சாட்டி இருக்கின்றனர்.

யூடியூப் ரீவைன்ட் 2018 வீடியோ பெற்றிருக்கும் விமர்சனங்களை எதிர்கொள்ளும் வகையில், யூடியூப் தனது ட்விட்டரில் கருத்து பதிவிட்டிருக்கிறது. ஒற்றை வரியில் பதிவிடப்பட்டு இருக்கும் ட்விட் யூடியூபில் புதிய வரலாறு படைக்கப்பட்டுள்ளதை நகைச்சுவையாக தெரிவித்திருக்கிறது.

 

LEAVE A REPLY

Please enter your comment!
Please enter your name here