Home இது எங்க ஏரியா வாட்ச் வாங்கப் போறீங்களா…இதப்படிங்க முதல்ல!

வாட்ச் வாங்கப் போறீங்களா…இதப்படிங்க முதல்ல!

218
0

வாட்ச் வாங்கப் போறீங்களா…இதப்படிங்க முதல்ல!

உலக வர்த்தகத்தில் வாட்ச் விற்பனை முக்கியப் பங்கு வகிக்கிறது. இதற்குக் காரணம் நாள் முழுதும் நம் உடலின் அங்கம்போல இருக்கும் சாதனமாக விளங்குகிறது வாட்ச். வாட்ச்களை விருபாதவர் இல்லை. நாம் ஒவ்வொரு அகேஷனிலும் ஒவ்வொரு வாட்ச்களை அணிகிறோம். எந்தெந்த அகேஷன்களில் எந்த வாட்ச்கள் அணியலாம். நம் தேவைக்கேற்ப எந்த பிராண்டைத் தேர்ந்தெடுக்கலாம் எனப் பார்ப்போம்.

லெதர் ஸ்ட்ராப் வாட்சுகள் 

டைடன், சொனாடா, வெஸ்டர், சர்டைம், செய்கோ உள்ளிட்ட பிராண்ட்களின் கருப்பு லெதர் ஸ்ட்ராப் வாட்சுகள் 1980, 90களில் அன்றைய இளைஞர்களைக் கவர்ந்தது. ஃபார்மல் எக்ஸிகியூட்டிவ் ஆடை அணிந்து வேலைக்குச் செல்லும் ஆண்களுக்கு இது பொருத்தமாக இருக்கும். எலிகெண்ட் லுக் அளிக்கும். இதன் கிளாசிக் லுக்குக்கு வேறெந்த அதிநவீன வாட்சும் ஈடாக முடியாது. அதனாலேயே இன்னமும் சுவிஸ் வாட்ச் நிறுவனங்களான டிஸ்ஸாட், கால்வின் கிளெய்ன், மொவாடா உள்ளிட்டவை இன்றும் உயர்தர லெதர் ஸ்ட்ராப்பைப் பயன்படுத்துகின்றன.

செயின் ஸ்ட்ராப் வாட்சுகள்

செயின் ஸ்ட்ராப் வாட்சுகள் ஃபார்மல் கேஷுவல் லுக் இரண்டுக்குமே பொருந்தும். நீங்கள் எந்த பிராண்ட் செயின் வாட்ச் வாங்கினாலும் தரமான ஸ்டெயின்லெஸ் ஸ்டீல் கொண்டு தயாரிக்கப்பட்டதா என சோதனையிடுவது அவசியம். கலப்படம் அதிகமான தரம் குறைந்த செயின்கள் மணிக்கட்டில் உரசும்போது தோல் பாதிப்பு ஏற்படலாம். எனவே சுத்தமான ஸ்டெய்லஸ் ஸ்டீல் கொண்டு தயாரிக்கப்பட்ட வாட்ச் வாங்குவது நல்லது. சுத்தமான ஸ்டெய்லெஸ் ஸ்டீல் கனமாக இருப்பதை உணர முடியும். வெஸ்டர், கேஸியோ எடிஃபைஸ், சிட்டிஸன், செய்கோ உள்ளிட்ட நிறுவனங்களின் செயின்கள் கணமாக இருப்பதை காணலாம். செய்கோ, சிட்டிஸன், டாமி ஹில்ஃபிகர் உள்ளிட்ட பிராண்டுகளின் செயின் வாட்சுகள் பிரபலமானவை. டைட்டன் செயின் வாட்ச் பட்ஜெட் பிரியர்களுக்கு ஏற்றது.

ரெஸின் பேண்ட் டிஜிட்டல் வாட்சுகள் 

உயர்தர பாலிமர் ரெஸின் கொண்டு தயாரிக்கப்படும் ரெஸின் பேண்ட் வாட்சுகள் கரடுமுரடான சூழலைத் தாங்கும் டிஜிட்டல் வாட்சுகளில் பயன்படுத்தப்படுகின்றன. உலகெங்கும் அட்வெஞ்சர் பிரியர்களால் அதிகம் விரும்பப்படும் கேசியோ ஜிஷாக் வாட்ச் ரெஸின் பேண்ட் பயன்படுத்துகிறது. அதீத உழைப்புக்கு பெயர்போன இதில் விரைவில் தூசு படியும். கேஷுவல் அவுடிங் செல்வோருக்கு ஏற்றவை இந்த வாட்சுகள். உலகளவில் டிஜிட்டல் வாட்ச் தயாரிப்பில் கேசியோ நிறுவனம் முதலிடம் வகிக்கிறது. பட்ஜெட் டிஜிட்டல் வாட்களில் சொனாட்டா ஓஷன் சீரீஸ், ஸ்கிமி, ஃபாஸ்ட் ட்ராக் உள்ளிட்டவை சிறந்தது.

அனலாக்- டிஜிட்டல் வாட்சுகள் 

அனலாக் டிஜிட்டல் வாட்சுகள் இளைஞர்களை அதிகம் கவர்கிறது. இருட்டில் மணி பார்க்க ரேடியம் கோட்டிங் கொண்ட அனலாக் முட்கள், வெளிச்சத்தில் பார்க்க எல்ஈடி டிஜிட்ஸ் உதவும். இதன் இரண்டு பங்கஷன்கள் காரணமாக இவற்றில் இரு பாட்டரிகள் செயல்படுகின்றன.

ஸ்மார்ட் வாட்சுகள் 

நவீன யுகத்தின் முன்னோடியாகத் திகழ்கின்றன ஸ்மார்ட் வாட்சுகள். இளைஞர்கள் முதல் முதியவர்கள்வரை அனைவரும் இதனை விரும்புகின்றனர். ஆப்பிள் ஸ்மார்ட் வாட்ச் உலக அளவில் அதிகம் பேரைக் கவர்ந்துள்ளது. ஒர்க் அவுட் பிரியர்களுக்கும், ஜிம் பயிற்சி செய்பவர்களுக்கும் ஜாகர்களுக்கும் இதன் ஸ்டாப்வாட்ச், ரத்த அழுத்தம் கணக்கிடும் வசதி, அதிகம் உதவுகிறது. ஸ்மார்ட் வாட்சின் போட்டியை சமாளிக்க இன்று பல பிரபல வாட்ச் பிராண்ட்கள் ஸ்மார்ட் வாட்சில் உள்ளது போல புளூடூத், காம்பஸ், தர்மோமீட்டர் வசதிகளை தங்கள் பிராண்ட்களில் அறிமுகப்படுத்துகின்றனர். அடிக்கடி வேலை விஷயமாக வெளியூர் பயணங்கள் செய்வோருக்கு ஏற்றது இது.

 

LEAVE A REPLY

Please enter your comment!
Please enter your name here